MPJ mohon pretendimet e Vuçiqit për tërheqje të njohjeve ndaj Kosovës

16:10 | 5 Janar 2023
E.H

Ministria e Punëve të Jashtme dhe Diasporës e Republikës së Kosovës, njofton që nuk ka asnjë njoftim në MPJD dhe as në misionet e Republikës së Kosovës, rreth pretendimeve të djeshme të presidentit serb se disa shtete paskan tërhequr njohjen.

“Një pretendim i tillë nuk është vërtetuar as pas bisedave personale me përfaqësues në nivele të ndryshme të këtyre shteteve, por as pas konsultimit me partnerët e rëndësishëm të vendit tonë”, thuhet në njoftimin për media.

“Çështjet e hapura mes Republikës së Kosovës dhe Serbisë zgjidhen me dialog dhe jo me kampanja destruktive mediale. Serbia duhet që urgjentisht të heqë dorë nga sulmet agresive ndaj Kosovës dhe sovranitetit të saj dhe t’i kthehet tryezës së negociatave me në qendër njohjen e ndërsjelltë”, thuhet tutje në njoftim.

Kujtojmë se dje presidenti i Serbisë Aleksandar Vuçiq në paraqitjen e tij vjetore ka thënë se nëntë shtete e kanë tërhequr njohjen e tyre ndaj Kosovës./arbresh.info/

Lexo edhe:

Vuçiq thotë se nëntë shtete tërhoqën njohjen e Kosovës, pretendon edhe për të dhjetin

Shpërndaje në rrjete sociale

Lajmet më të lexuara

Të ngjashme

Foto lajm